Chhawmdawlna leh inpuihna kawng hrang hrang atana hman thin Chief Minister Relief Fund ah tun ni li chhungin cheng nuai 9 dawn a lut.
CM Relief Fund hi tu tan pawh pek theih a nih angin, central leh state hnuaia sawrkar hnathawk pawl leh office, kohhran, pawl, political party hnuai, sumdawng, mimal leh a remchan dan angtea pek thin a ni a. Pek theih chin bituk, tlem lua leh tam lua awm lo a ni.
May 27 atanga ruahsur leh thli thawk avanga hemi zan leh May 28 zinga hmun hrang hranga chhiatna a thlen hnu, leiminin chenna in hnawla nunna hial chan an awm hnu ah, hemi pual deuha pek hian CM Relief Fund a lut tam zual nia hriat a ni.
May 28 khan a hmasa ber ni turin I&PR officer rual – Mizoram Information Service Association (MISA) chuan Cyclone Remal avanga chhiatna tawkte tanpuina atan liau liau CMR Fund-ah Rs 20000 an hlan a. A tuk May 29 khan sawrkar hnathawk pawl pathum leh office pahnihin a vaia belhkhawmin Rs. 145,000 an chhunglut. May 30 khan sawrkar hnathawk pawl, office, tlawmngai pawl leh mimalin a vaiin Rs. 3,26,000 an chhunglut leh a ni. (Issue hmasa lamah a petu hming leh pek zat tarlan zel a nih avangin tarlan nawn a ni lo)
May 31 bik khan Canada Mizo Chhungkua – Rs. 1,54,200; Karbi Anglong Unao Forum Rs. 10,000; MUP Gen. Hqrs Rs. 30,000; Mizoram Finance & Account Service Association Rs. 50,000; Tualpui Welfare Aizawl Rs. 20,700; Hmar Student Association Delhi Rs. 30,000; Lalthakimi, EM/organiser ZPM Rs. 10,000; KTP Republic Veng Branch Rs. 10000 leh Evangelical Synod Church Lamka, Rs. 50,000 ten an chhunglut ve leh a, an ni nena belhkhawmin tunhnai ni 4 chhunga CMR Fund-a sum chhunluh hi Rs. 8,91.900 a tling hman.
Ni 4 chhungin CMRF-ah cheng nuai 9 dawn a lut
Get real time updates directly on you device, subscribe now.
Prev Post