Ni hnih chhungin chesual mi 3 thi

Ni hnih chhungin chesual mi 3 thi
October 26 & 27 chhung khan hmun thuma chetsualna thlengah mi pathum an thi.
Inrinnia Tlawnga sangha man tura kal thian pathum zing ami Jerry Lalrinchhana (38) s/o Thangzika, Melthum chu Pathianni chhun dar 12 leh chawhnu dar 1.00 inkar vel khan an haw lamah luiah chesualin a thi a, a ruang hi hemi chawhnu dar 3.00 pelh hretah hmuh a ni.
Pathianni zing dar 1.30 vel khan Phillip Lalramhluna (22) s/o Lalthanruala, tuna Bawngkawn Chhim Venga cheng, Khawlian khua chu Zemabawk huamchhungah bike-a chesualin a thi. Thudawn danin, a thiante nena leng an ni a, a thiante a tlan pelh hnu lawkah amaha chesualin an han hmu a, damdawi in panpui tum ni mah se, a hmunah hian a thi nia sawi a ni. A ruang hi an khuaa lak a ni.
Inrinni zan dar 8.00 vel khan maxi cab chesualah a khalhtu Johny Lalthazuala (43), Serchhip IOC Veng a thi. Thudawn danin Serchhip leh Champhai inkara tlan, ‘Agape Sumo’ Albert Vanlalhruaia Serchhip Vengchunga ta chu a mi phurh a dah fel tawh hnuah Serchhip chhimlam Sailiamkawn chhak, khawchhung lam, Forest checkgate bul kawngkawi kawngthlang lamah a tlan liam a, feet 120 vel lumin a khalhtu chiah hi a chuang tawh a, a hmunah hian ka chhawn lohin a thi a ni.