Nikum aiin kuminah |au thla lum

Nikum aiin kuminah |au thla lum
Khua a lum mek; |au thla (April) hi Mizoram lum thla a ni a, kuminah pawh a lum. Nikum |au thla ai khan kumin |au thla hi a lum rih.
State Meteorological Centre-in an chhinchhiah danin, April ni 16 khan Aizawl lum lai berin 33 degree Celsius a kai a, nikumah 33 hi vawi khat mah a kai lo. Nikum khan |au thla ni 28 leh ni 29-ah 32 degree Celsius a hawlh a, chumi hnuah tun thla ni 16 kha a hawlh san leh ber a ni.
State Meteorological Centre hian nikum April thlaa ni tin lum lam leh vawh lam kha an chawkrual a, April thla pum pui kha 24 degree Celsius ni reng ang a ni. Kuminah April ni 1 a\anga ni 17 thleng kha chawhrualin 24.76 degree Celsius a ni.
State Meteorological Centre enkawltute sawi danin, nikum April-ah khan ruah tui a tla \ha a, thla tluana tla zat chu 73.2 a ni. Kuminah chuan ruah tui a la tla \ha lo a, April ni 1, ni 3 leh ni 5-ah chauh ruah a la sur.
Kumin April-ah hian nikum April aiin a tehnain a hawlh sang hma; nikum khan April ni 25-ah 30 degree Celsius a hawlh thleng chauh a, kuminah chuan ni 9 a\ang khan 30 degree Celsius a la kai char char.
State Meteorological Centre lam chuan tunlaiin social media lamah mi ralkhel thei thil hmuh tur a awm \hin tih an hria a, Mizoram lum dan hi a nasa tia sawi tur khawp chu a ni lo tih te, phaia zirna in an khar te pawh, thli lum (heat wave) a tleh vang a nih thu te an sawi.