Nizan French Open semi-final kalkawng

Last updated Jun 9, 2023 9 0

Nizan French Open semi-final kalkawng
Chanchinbu chhuah hun leh inkhelh hun a inmil loh deuh Thin avangin result tarlan hi a lo hlui leh hman Thin a, nizan French Open hmeichhe singles semi-finalist palite’n quarter-final an paltlang dan hi kan han chhawpchhuak ve leh ang e.
Tarlan tak angin, nizan semi-final hmasa zawkah Australian Open cham-pion Aryna Sabalenka leh unseeded Karolina Muchova intumin, a dawtah world number one Iga Swiatek leh tunhma lama Grand Slam third round la pel ngai lo Beatriz Haddad Maia-te’n final luh an inchuh ve thung.
Kum 2020 leh 2022 Paris clay-a lo champion tawh defending champion Swiatek hian Nilaini quarter-final match-ah 6-4 6-2-in American sixth seed Coco Gauff a hneh a, 2022 French Open final rematch-ah pawh Pole bawk a dingchang leh.
Top seed Swiatek nena final luh inchuh thei turin Nilaini last eight inkhel dangah Brazil nula Haddad Maia chuan 3-6 7-6(5) 6-1-in African hmeichhia zinga singles Grand Slam title la thei hmasaber nih tuma la bei ve ngar ngar seventh seed Ons Jabeur a hneh a, kum 1968-a cheTha Maria Bueno hnu lamah Brazilian hmeichhe zinga Slam semi-final khel leh thei hmasaber niin, Open Era bikah he ram hmeichhiate zinga Roland Garros last four thleng zo hmasa ber a ni nghal bawk.
Tunisian nula Jabeur hian kum khat tlin hmaa Grand Slam semi-final vawithum khelh tlin hman tumin Roland Garros-ah quarter-final match a khel a, mahse, a ruahmanna chu 14th-seeded left-hander Maia chuan a danbehsak ta a ni.
Tarlan tawh angin, Thawhlehni khan Belarusian Sabalenka chuan Ukaraine nu Elina Svitolina hnehin semi-final a lut fel tawh a, French Open-ah hian a champion theih chuan karleha WTA ranking thar tarchhuahah Swiatek hmakhalhin world number one nihna a chang ang.
Nizan last four match result tarlan hman loha a hmachhawn unseeded Karolina Muchova kha nikum September thla mai kha chuan ranking-ah top 200 pawh luah pha lo a ni a, chuti chungin quarter-final pakhatah Russian player Anastasia Sergeyevna ‘Nastia’ Pavlyuchenkova a hneh a; Czech player hi singles ranking-a a tawnsan ber chu kum 2021 May thlaa world No. 19 a luah ve kha a ni.