North Korea-in missile kapchhuak leh tawh
North Korea chuan a ralthuam enchin tawha la \ha ber long-range missile chu a kap chhuak tiin South Korean thuneitute chuan an sawi a. Tihian North Korea hian UN hrekna chu a bawhchhe zui leh a ni.
Solid-fuel intercontinental ballistic missile kahchhuah hi Khawthlang ram te chuan an dem thu an sawi nghal a, missile hi Hokkado, Japan-ah a tla a ni.
Kar kalta lawk khan South Korean leh US defence officials te chuan North-in nuclear hmanga inbeihna a kalpui thuta inven dan tur leh chetlak dan tur an sawiho bawk a. Pyongyang chuan ‘chhanletna a siam dawn’ tiin a sawi nghal reng a ni.
Thawh\anni zinga long-range missile kahchhuah hi Pyongyang area a\anga kahchhuah a ni a. South Korean leh Japanese officials te chuan 73 minutes vel thlawkin 1,000km vel a fang hman an ti.
ICBM te hian North American continent a kap thleng thei a. Thawh\annia missile kahchhuah hi kumina North Korea-in ICBM hlawhtling taka a kahchhuah pangana chiah a ni bawk.
Thla kalta khan Pyongyang chuan orbit ah spy satellite kapchhuakin a dah thei bawk a, chu pawh United Nations hrekna bawhchhiatna tho a ni.
Seoul chuan North chhan nan hian military agreement an neih a hnawl zui a, Demilitarised Zone hnaihah pawh a sipaite a chhawp hnai bawk.
Kar kalta khan South Korea national security advisor Kim Tae-hyo chuan December thlaah hian North in ICBM an kahchhuaha rinthu a lo sawi tawh bawk a ni.
South Korean national security officials te chuan ICBM kahchhuah chu solid-fuel missile a nih thu an sawi nghal a, heng missile-te hi chu kahchhuah a nih hmaa fuel thun ngai lo niin awlsam zawka kahchhuah mai theih a ni.
April thla khan hlawhtling taka a kahchhuah tawh hnuah North chuan July thla khan Hwasong-18 missile chu hlawhtling takin a lo kapchhuak tawh bawk a.
North Korea hian solid-fuel medium-range ballistic missile pawh a siam meka sawi a ni a. Thla kalta khan a engine chu hlawhtling takin a siam tawh thu sawiin mahse enchhinna a la nei lo thung.
North Korea-in ralthuam lama inchhekkhawlna a neih zui zel hnuah South Korea leh United States chuan helai region humhimna lamah nasa zawkin hma an la ve thung a. Ram pahnihte chuan nakuma sipai nunchan an zir hunah pawh nuclear weapons hman dan telh an tum thu an sawi.