NSCN (I-M) ten Centre mumal lo ti

New Delhi in ‘Indo-Naga political issue’ chinfel intiamna danglam reng chuan Framework Agreement te derthawngin a siam tiin Isak-Muivah faction, National Socialist Council of Nagaland te chuan an sawi a.
NSCN (I-M) te chuan anmahni chu National Socialist Council of Nagalim tiin an in ko a. Framework Agreement chu Centre leh NSCN (I-M) ten August 3, 2015 daih tawh khan an lo ziak tawh a ni.
“Naga flag leh constitution chungchangah government of India hnenah kan dinna chiang takin kan sawi lang tawh a, chung te chu sut theihloh leh Nagas te sovereignty leh history danglam bikna bawhchhiat theihloh a ni” tiin NSCN (I-M) president, Q. Tuccu chuan 44 th Naga Republic Day celebration, extremist group headquarter DImapur bul lawka neihah a sawi.
India sorkar chuan buaina chinfel a tumna lamah kum 25 chhungin ‘tun hma atanga tun thlengin a ngaihdan a thlak danglam reng’ tiin a sawi bawk a. NSCN (I-M) te chuan New Delhi in ‘Indo-Naga political talks chu ama remchan dan ang ni lo, kawng dik leh fel taka a kalpui hun tur kan nghak reng tawp’ tiin a sawi bawk a.
NSCN (I-M) te chuan Centre chuan Nagas tena flag hran leh constitution hran Naga te chenna bika an hman a remti tiin a sawi a, Centre erawhin chutianga intiamkamna engmah a nei lo a ti ve thung.
Tuccu chuan government of India chuan Framework Agreement politics a pawimawhna thuktak a neih te chu tlansan tumin tunah ‘hypocrisy’ leh ‘flattery’ buaipuiin a hmanhlel leh mek tiin a sawi bawk a. Political talks mumal taka kalpui theihlohnaah Centre chu a dem takzet tiin a saiw bawk a.
Centre hian inremna tluantling a awm thieh nan a ngai thutak tawk lo va ‘nagas te chu State machinery hmanga beih hrep’ a tum zawk a ni tiin a sawi bawk a.
Inbiakna a hlawhchham dawn anga a lang a nih chuan survival strategy an duan mai tur thu a sawi bawk a, “kan hmalam hun zel tur tichiang turin chet kan la ang chu” tiin a sawi bawk.
Tun dinhmunah chuan government of India ah thil a tawp vek tia sawiin an duh chuan hma tha zawkin an la thei a, an kutah thil a awm rih vek tiin a sawi bawk.
Nagaland Governor, La Ganesan chuan tun hnaiah Naga political issue chinfel rihloh chuan State hmasawnna a tithuanawp dawn lo tiin tun hnaia State Assembly a thusawina a neihah a sawi a. Inreman tluantling a awm theih nana a rang thei ang bera hmalak zui zel a ngai tiin a sawi bawk.