Upper Siang a Tihdam rawngbawl khap Arunachal Kristian ten duh lo thu thlen

Central Arunachal Pradesh district a faith healing programme (tihdam rawngbawlna) khap bur chu Kristian pawl te chuan an dem tak zet thu an sawi.
Upper Siang district Deputy Commissioner chuan February 28 khan thupek siamin mimal, pawl, sakhua tena tawngtai damna, tihdam rawngbawlna leh tualchhung putihia te hmanga tihdamna an kalpui chu a khap a. Hei bakah hian district thuneitute chuan Drugs and Magic Remedies (Objectionable Advertisements) Act of 1954 hmangin magic hmang anga natna leh taksa a thil fello tihdam theihna lam chi reng reng fakna emaw tarlan an khap bawk.
Arunachal Christian Forum (ACF) chuan State sorkar hnenah memorandum March 20 khan an thhelut a, he thupek hi sut leh turin an ngen a. He thupek hian Christian community te rilru a hliam takzet an ti bawk.
“Vantlanga hmuna tihdam rawngbawlna khap hi Christian community te hmuhsitna a ni. Deputy Commissioner hian tihdam rawngbawlna hi black magic nen a ngaihpawlh hi a vanduaithlak a ni” tiin ACF general secretary James techi Tara chuan a sawi.
ACF president Tarh Miri chuan tihdam rawngbawlna healing crusade kalpui chu mihring te rilru tihdama damdawi tha lo leh social evil te beihletna tura intihchakna zawk a ni a, drugs leh magic nen inkungkaihna reng a nei lo tiin a sawi bawk a.
“Kristian te chuan magic hmang intihdam kan ring lo, chuvang zawk chuan kohhranin khawvel hmun tinah damdawi In a siam zawk a ni” tiin a sawi bawk.
Miri chuan Buddhist te tamna Tawang a Biak In sak kalpui chhunzawm theihloh chungchangah pawh ACF te chuan Chief Minister Pema Khandu inrawlh tura an ngenna chu an nghak mek tiin a sawi bawk a.
Tawang a thuneitute chuan October 2020 khan local organisation pahnih tena Baptist church an sak chu dan kalh tia sawiin an tihtawpsak lailawk a ni.
Hei bakah hian ACF te cuan State budget 2023-24 a Christian educational institution te tana fund pek veloh chungchangah an lawmloh thu an sawi bawk a.
“RSS thlawp institution VKV (Vivekananda Kendra Vidyalaya) leh RKMS (Rama Krishna Mission School) te tan sum dah a nih laiin Christian community te, institution nei ngah ber te chu hlamchhiahin an awm” tiin Tara chuan a sawi b