Nuggets an chak nghal

Pathianni zingah Western Conference play-off semi-final game khatnaah Denver Nuggets chuan an khingpui Phoenix Suns an hneh nghal.
Semi-final lehlama intum tur a la chiang thei lova, Los Angeles Lakers chuan Golden State Warrios leh Sacramento Kings te inkhela chak zawk zawk an hma-chhawn ang.
Semi-final thawh khatnaah Nuggets leh Suns in inhnehthawk takin bul an tan a, quarter khatnaah point 30 chuang ve ve thawk-chhuakin, point khatin Suns hi chungnung zawk ah an tang. Quarter hnihnaah Nuggets an khelh that chhunzawm viau laiin Suns an tla-hniam thung. Quarter hnihnaah hian point 18 laiin Nuggets an chungnung a, hei hi an chakpui zui a tih theih.
Chawlhlawk hnu lamah pawh inkhel a hmuhnawm zui viau a, quarter thumnaah point 4 a chungnungin Suns in an khingpuite nen an inkar an tizim. Suns hian quarter linaah chak tumin thapui thawh chiam mah se point nga ngawtin hnufual zawkah an tang a, point 18 zetin an khingpuite an umphak lova, tlawm zawkah an tang ta a ni.
Point 125-107 a Pho-enix Suns an hneh tum hian Nuggtes player pawimawh Jamal Mur-ray chuan point 34 a thawkchhuak a. |um hnih ngawt MVP ni zawn tawh Nikola Jokic chuan point 24 a thawhchhuah bakah ball sawhlet vawi 19 zet a dawng tling bawk a, an chak theih nan a thawhhlawk hle.
Warriors nge King?
Western conference ah semi-final lut pathum hriat chian a nih tawh laiin Golden State Warrios nge Sacramento Kings zawkin semi-final lut zawk dawn tih a la chiang thei lo ve, he thil chiang thei lo hi tukin hian chin fel a ni dawn a. Game 7-naa chak zawk zawkin semi-final-ah Los Angeles Lakers an hmachhawn zui leh ang.
Play-off game hmasa pahnihah tlawm zawn a, bul tan tha lo tak Golden State Warriors an insiamtha chho a. Champion lai hi game thum chak zawn in, semi-final an hnaih kuarh tawh. Inrinni zinga game rukna khelh a nihin Warriors hi chak se semi-final lut tur an ni a. Kings lakah an tlawm leh tak si vangin series ah 3-3 a ni ta chiah a, game sarihna khelh zui leh a ngaih phah.
Point 118-99 a Warriors an hneh tum hian Kings tan Malik Monk leh De’Aaron Fox te an khel tha dun viau a, an pahnih thawhchhuah belhkhawm hi point 54 zet a ni. Warriors leh Kings te inkhel chak zawk zawkin an hma-chhawn tur Los Angeles Lakers hian play-off game ruknaah an khing-pui Memphis Grizzlies chu point 125-85 in an sawp a, 4-2 hnehna changin semi-final an lut.