Inrinni zing khan NBA finals game lina khelh a ni a, Denver Nuggets chuan point 108-95 in Miami Heat hnehin series-ah 3-1 in hma an hruai a, champion turin vawi khat chak chiah an mamawh tawh.
NBA finals game lina hi Miami Heat mualah khelh a ni a, team hnihten inhnehtawk takin bul an tan. Quarter hmasa berah an khel tha lo ve ve a, point an thawkchhuak tam lo. Point 21 thawkchhuak Miami Heat in point khatna chungnungin quarter khatna an khar. Quarter hnihnaah inkhel a hmuhnawm sawt a, point pawh an thawkchhuak dun ta mawlh mawlh. Quarter hnihnaah hian mikhual team Nuggets chu point 5-in an chungnung a, point li-a hmahruai chungin chawlhlawk an hmang.
Chawlhlawk hnu lamah Nuggets an khel tha chhunzawm a, quarter thumnaah point 9-in an chungnung zui leh. Quarter hnuhnung berah Miami in an mikhualte lehthal ngei tumin tan an khawh a, inkhel hmuhnawm takah chungnung zawk an awm thei lova, point 22 ve ve an thawkchhuak. Tichuan, inkhe a zo va, Denver Nuggets chuan point 13 in hnehna an chang ta a ni.
Miami Heat mualah hnehna an chan leh tak vangin Denver Nuggets in champion an hnaih ta viau a, game khelh hmabak pathum an la neihah champion turin vawi khat chak chiah an mamawh tawh. Thawhleh zing hian game ngana khelh a ni dawn a, an mualah an chak a nih chuan Denver Nuggets hi a vawi khat nan NBA champion an ni ang.
Nuggets in champion an hnaih
Get real time updates directly on you device, subscribe now.
Prev Post
Next Post