Football hmanga YMA Branch hrang hrangte inelna lian ber Inter Branch YMA football tournament vawi 21-na chu Zirtawp zan khan final khelh a ni a, si khat faia Tlangnuam hnehtu Venghnuai chu a vawi khat nan an champion. Venghnuai champion theih nana thawhhlawk tak Laldanmawia chu Best Player-ah thlan a ni.
LBS Suzuki 21st Inter Branch YMA Football Tournament 2023 final-ah hian Tlangnuam leh Venghnuaite an inhneh-tawk viau a, muallaiah an indang chat tawn nasa a, chawlhlawk hmain goal hlauhawm hmuh tur a awm meuh lo a, goal awm lo vin chawlhlawk an hmang.
Chawlhlawk hnu lam ah inkhel a hmuh-nawm sauh a, goal hmuh tur a awm ta bawk. Rei tak chhung goal lut a awm theih loh hnuin Veng-hnuaiin freekick a hmu a. He freekick hi ZD Lal-tlansanga chuan mawi zetin goal kilah a chhuih goal a, minute 71-naah hmahruaina goal a thun.
Goal a luh hnuin inkhel a hnuhnawm zual sauh a, Tlangnuamin penalty vawi nih an beisei thlawn a. VAR hman ni sefinal result danglam thei dinhmunah a ding. Goal dang a luh belh thei lova, Venghnuai chu champion thar an ni ta a ni.
Venghnuai captain Laldanmawia chu ‘Best player’ ah thlan a ni a. Hualngohmun tan goal 11 thuntu Vanlalthanga chu Top scorer a ni ve thung.
Venghnuai an champion
Get real time updates directly on you device, subscribe now.
Prev Post
Next Post