Nupa tuak thar kum belh khawma upa ber

Nupa tuak thar kum belh khawma upa ber
In nupaa inneih khan in pahniha kum belhkhawm engzat nge ni le? Han chhut teh, kum 80 tlin chin chu kan vang pharh tawhin a rinawm. Marjorie Fiterman leh Bernie Littman te pawh an innei thar a, an nupa kum belhkhawm chu kum 202 daih a ni!
Marjorie hi kum 102 niin, Bernie hi kum 100 a ni ve thung a, an kawppui ten an thihsan hnuah Philadelphia, USA-ah kum upa te enkawlna hmunah an awm a, chuta inhmelhriat chu niin, an inhmel duh ta a ni.
Tichuan, kum 9 zenzawn an inngaihzawn hnuah kumin May ni 19 khan an innei ta nge nge a, an inneih ni hian an pahnih a kum belhkhawm chu kum 202 leh ni 271 a ni a, Guinness World Records-in nupa inneih ni a kum belhkhawma upa berah a puang.
An pahnih hian University of Pennsylvania chhuak ve ve an ni a, mahse, an lehkha zirlai hian an inhmelhriat lem lo, Bernie i engineer niin, Marjorie hi zirtirtu a ni ve thung a, kum upa te enkawlna hmuna an awm hnuah inhmelhriat chauh an ni a, floor khatah awmin, costume party an neihna atanga inchhar an ni.
Bernie tunu Sara Sicherman chuan nupa tuak thar te chu an chhungkuain an lawmpui thu leh an phurpui hle tih sawiin, “An intawng hi an vannei kan ti a, hetianga in-support tawn thei tura an awm hi kan lawm tak zet a ni,” a ti.