October 1 atangin Bharat NCAP kalpui ang

Ministry of Road Transport and Highways chuan car crash testing ah star-rating thar a siam dawn a, hemi hnuaiah hian vehicle tin te chu hnawhluh vek ni dawnin pakhatna atanga pangana thlenga then a ni ang a, Bharat New Car Assessment Programme (NCAP) tia vuah niin rating system hi voluntary ni dawn thungin October 1, 2023 atanga kalpui tan tur a ni ang.

Eng nge Bharat NCAP?
Bharat NCAP hnuaiah hian car te chu a siamtu ten an duh a nih chuan Automative Industry Standard 197 in protocol a siam zuiin crash test neih a ni ang. He programme-in a huam chin te chu passenger vehicles seat riat aia tam nei lote 3,500 kgs hnuaia mite a ni dawn a, vehicle-a base model te chauh test a ni ang.
Tehna pathum – adult occupation protection, child occupation protection leh assists technology tih te chu hman a ni dawn a. A hmasa pahnih hi test chi thum hnuaiah kalpui ni dawnin 64kmph a chaka tlanpui hnuah leh a dang chu 50 kmph side impact tes angin kalpui a ni thung ang.
Bharat NCAP hi voluntary a nih rualin car thenkhatte lar leh langsar deuh te chu tih ngei tura tih theih tura ngaih a ni thung a. Ministry of Road Transport and Highways te chuan automobile manufacturer te chuan car model 30 lai test turin an pe tawh tiin an sawi thung.
Hetianga programme kalpui a nihna chhan hi consumer tena car an lei dawna thutlukna dik leh tha an siam theihna tura tih a ni a. India ramah hian kum tinin car accident avanga nunna chan 1.5 lakh vel awm ziah anga ngaih a ni a. World Bank chuan zirchianna a neihah kawngpuia accident avanga Indian economy-in hloh a neih chu GDP atanga 5-7% lawih tiin a sawi.

Bharat NACP pian dan?
Bharat NCAP model hi Global NCAP zulzuia siam niin chu chu UK-a inbun NGO Towards Zero Foundation te project a ni a. Khawvel hmun tina new car assessment programme hman tlanglawn ber ni tawhin khawvela crash testing kalpuitu hmasa ber US pawhin a zawm a ni bawk.
Safer Cars for India campaign chu kum 2014 khan Suzuki-Maruti Alto 800, Tata Nano, Ford Fido, Hyundai i10 leh Volkswagen Polo ah te ah test hmasak ber a ni a. Heng model panga te hian test an paltlang zo lo vek thung.
Kum 2018 khan TATA te chuan tehna paltlang mai bakah 5-star car rating an hlwhchhuak hmasa ber thung a. Bharat NCAP hmang hian car accident lamah himna tha zawk a then theih beisei niin hei bakah hian sorkar chuan a hma pawhin mandatory dual front airbags te, anti-lock braking system te, seatbelt reminder leh reverse parking sensors te tihmakmawh a lo ti tawh sa bawk a ni.