Kumin October thla chhung khan Mizoram Police chuan ruihhlo leh a kaihhnawih tam tham tak an man a. Heroin kg. 2.98 manin hengah hian thubuai 15 ziahluh a ni a, mi 23 an man zinga pahnih hi ramdang mi an ni. Methamphetamine kg. 9.76 an man bawk a, thubuai 3 ziaklutin, mi 5 an man zinga pakhat hi ramdang mi a ni.
Thlakhat chhunga heti zat ruihhlo man a ni hian ruihhlo beihna kawnga Mizoram Police hmalakna leh thawhrimna chiang taka a tarlan rualin, nasa lehzuala ruihhlo do kawnga hma lak a tul zia a tichiang hle tih Mizoram Police thuchhuah chuan sawiin, ‘Ram leh hnam humhimna atana sawrkar, VC, YMA leh NGO hrang hrang tanghoin ruihhlo do beihpui kan thlaknaah theihtawp min chhuahpui a, ruihhlo tawlh report kawngah tan min lakpui turin Zoram mipui kan insawm thar a ni,’ a ti.
Get real time updates directly on you device, subscribe now.