Kolasib-a sawrkar office-ah te tui hnianghnar zawk neih theihna’n ruahtui khawlna siam uar turin district bawrhsap John LT Sanga chuan a chah.
Thawhtannia Kolasib DC Conference Hall chei thar a hawnnaah bawrhsap chuan, Kolasib khawchhunga sawrkar hmun pawimawh hrang hrang cheithat hna thawh mek a nih thu sawiin, bawrhsap office-a tui indaih lohna phuhru turin ruahtui khawlna siam mek a ni tih a sawi. Office building hrang hrangah pawh a theih chin chinah ruahtui khawl uar turin a chah.
Kum 1908-a sak Inspection Bangla Banglakawn Kolasib ami chu sawrkar hmunhma hmasa hmuh theih tlemte zing ami a nih thu sawiin, hlut leh humhalh a pawimawh tih a sawi a. A lan dan tidanglam loa a chhung thawmthat leh hmantlaka cheithat a nih theihna’n ruahmanna siam tum a ni tih a sawi.
DC Conference Hall hi The G Ventures Guwahati-in a cheithat hna hi thla hnih chhung a thawk a, a chhungah hian mi 27 thut theihna awmin, Conference table, microphone 25, air conditioner 4, 86 inches projector screen leh 63 inches TV a awm.
Office-ah ruahtui khawlna siam uar turin DC-in chah
Get real time updates directly on you device, subscribe now.
Prev Post
Next Post