Raltlante tan luangchhuak

Hrangturzo High School (Adhoc Aided) zirtirtu leh zirlaiten Manipur atanga sahimna zawnga Mizoram pante chhawmdawlna atana an thawhkhawm Rs. 7060 chu Thawhtanni khan Lengteng bialtu MLA Dr LThangmawia kutah an hlan.
School aiawha MLA hnena hlantu H Darthangpuii chuan, kan unau sahimna zawnga rawn kalte dinhmun rapthlak zia hriain Hrangturzo High School zirtirtu leh zirlaite chuan mahni theih ang tawk tawk thawhkhawm kan rel a ni, tiin, Manipur ramri Lengteng biala pek turin Lengteng bialtu MLA hnenah hlan mai nise, an tih angin a hlan tih a sawi.
MLA Dr LThangmawia chuan kan unaute tana mahni remchan ang tawk thawhkhawma Hrangturzo High School zirtirtu leh zirlaite inpekna chu ropui a tih thu hrilhin, he sum hi a bo a bang awm loin a tul anga tangkai taka hman atan Ngopa BDO H Lalramliana hnenah a lo hlan tur thu a hrilh a ni.