Old Age Pension lak thuai beisei
Thla ruk kalta chhunga tar chawmna – old age pension lak tawh loh chu lak thuai a nih beisei a ni tih Social Welfare minister Er Lalrinawma chuan a sawi.
Mizoram Upa Pawl chuan Zirtawpni khan Aizawlah General Assembly vawi 48-na an hmang a, hmanpuitu Social Welfare minister chuan Old Age Pension chu October 2022 atang March 2023 inkar dil mek a ni a, lak thuai theih a nih beisei a ni tih a sawi.
MUP member-te chu nun hriat tam tak lo paltlang tawh, mi hriatthiamna thuk tak nei an ni, tiin, MUP chu pawl tamtak zinga a khaitu a ni a, kum chu number chhiarna mai a nih avangin lunglennaa nun uailiam tir mai loa, thatho leh beiseina nung nei turin a chah.
Ngaihtuahna hmang thiam tak leh hriatna zau tak an nih avangin tunlaia kan buaina tam tak, ruihtheih thil, HIV/AIDS leh hmeichhiate chunga hleilenna hrang hrang chungchangah ngaihtuahna seng a, mahni chhungkua theuha hma la turin minister hian MUP member-te a ngen a. Mizote kan lo len a, hma kan sawn zel theih nan inthlahpun kawngah a naupang zawkte thurawn pe turin a ngen bawk.
Inkhawmpui report-a a lan danin MUP Gen. Hqrs hnuaiah District Headquarters 8 a awm a, Branch 586-ah members 64100 an awm a ni.
Old Age Pension lak thuai beisei
Get real time updates directly on you device, subscribe now.
Next Post