Olivia Rodrigo ‘Vampire’ a lar ber
Olivia Rodrigo hla thar ‘Vampire’ chu kar khat chhunga khawvel huapa hla lar ber niin, Billboard Global 200 chart No.1-ah a debut a, he chart-a a hla No.1 kai thei pathumna a ni a, a hla hmasa ‘Drivers License’ kha 2021-ah kar riat a No.1 a, hemi kumah tho hian a hla dang ‘Good 4 U’ chu kar ruk a No.1 tawh bawk. Hetihrual hian Taylor Swift ‘Cruel Summer’ pawh chart top 3 a kai thar ve leh ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) bakah download sales te chu tehna pawimawh a ni.
Olivia Rodrigo ‘Vampire’ hian kar khat chhungin khawvel huapin stream maktaduai 86.3 neiin, download sales 13,000 a tling bawk a, hei hi chart-ah a No.1 pui ta a ni.
Olivia Rodrigo hi hmeichhe zaithiam zinga he chart-a No.1 kai thei hla pathum nei tling thei hmasa ber a ni (he chart hi 2020 a\anga an tih \an chauh a ni) a, a nawlpuiah chuan BTS-in No.1 kai thei hla pasarih nei tawhin, hma an hruai a, Bad Bunny-a’n pathum a nei bawk tawh. Anni bakah hian Justin Bieber, BLACKPINK, Drake leh Taylor Swift ten he chart-a No.1 kai thei hla hnih \heuh an nei tawh bawk a ni.
Olivia hla he chart-a No.1 kai te hi chart ranking-a an lan theihna hmasa bera No.1 kai nghal vek an ni a, solo singer-ah chuan hetiang tithei hmasa ber a ni a, a nawlpuiah pawh a phak loh awm chhun chu BTS chiah niin, anni hian an hla panga chu he chart No.1-ah an debut pui thei a ni.
Chart No.1 hlui Miley Cyrus ‘Flowers’ chu No.2-ah a tawlh a, ‘Flowers’ hi he chart-ah hian a zawn ni lovin kar 13 a No.1 thei a ni. Taylor Swift hla ‘Cruel Summer’ chu No.9 a\angin No.3-ah a invawrh a, chart No.1 hlui Eslabon Armado leh Peso Pluma ‘Ella Baila Sola’ chu No.3 a\angin No.4-ah a tawlh a, Yng Lvcas leh Peso Pluma ‘La Bebe’ chu No.2 a\angin No.5-ah a tawlh ta bawk.
Billboard Global 200 Top 10:
1 Vampire – Olivia Rodrigo
2 Flowers – Miley Cyrus
3 Cruel Summer – Taylor Swift
4 Ella Baila Sola – Eslabon Armado X Peso Pluma
5 La Bebe – Yng Lvcas x Peso Pluma
6 Calm Down – Rema & Selena Gomez
7 Cupid – Fifty Fifty
8 Last Night – Morgan Wallen
9 Idol – YOASOBI
10 Where She Goes – Bad Bunny