Sunrider Got Talent-ah India aiawhin Mizo tlangval
July 12-a Asia Pacific Sunrider Got Talent neihah India aiawhin Mizo tlangval Lalsangkima, Khatla Bethel Veng a tel. He inelna hi Taiwan-ah neih niin, ram hrang hrang 11 atanga thlanchhuah an tel a. Lalsangkima hian YoYo tricks hmanga inelna hmachhawnin, tunkar Inrinni zan hian ‘Gala Dinner Night’ neih hunah result hi puan a ni ang. Pakhatna in India pawisa in, cheng nuai 2 bakah trophy an dawng dawn a ni.
Lalsangkima hi Mizorama buatsaih U Got Talent, Inhouse Star Challenge leh Mizoram Got Talent-ah te lo tel ve tawhin, Inhouse Star Challenge-ah hian top 5-ah a lang a, a dangah hian final stage a thleng pha ve ve bawk.