OnePlus 11R India-ah an tlangzarh

On Feb 9, 2023 28 0

OnePlus 11R chu Thawhlehni kalta khan India-ah an tlangzarh a, 8GB RAM + 256GB storage chu Rs 39,999 man a ni a, 16GB + 256GB storage chu Rs 44,999 man a ni ve thung. He handset hi February ni 28 atangin an hralh chhuak tan dawn a, February ni 21 atangin pre-order a tih theih ang a, Amazon leh OnePlus website bakah dawr hrang hrangah an zuar chhuak ang.

OnePlus 11R hi dual-SIM niin, OxygenOS 12.1 a hmang a, octa-core Qualcomm Snapdragon 8+ Gen 1 5G SoC a nei bawk. 6.74-inch FullHD+ (2772×1240 pixels) curved AMOLED display neiin, 40Hz – 120Hz adaptive refresh rate, 1000Hz touch response, 450 ppi pixel desnity leh 1450 peak brightness a nei bawk.

A hnungah camera pathum- 50-megapixel Sony IMX890 primary sensor, 8-megapixel ultra wide-angle sensor, 4cm macro camera (120-degree ultra-wide lens) a nei a, 10x digital zoom a support a, a hmaah 16-megapixel selfie camera a nei bawk. A camera hian 4K quality video @ 30fps-in a record thei a, EIS (electronic image stabilisation) neiin, shake-free a ni a, OIS (optical image stabilisation) a support bawk.

Connectivity-ah chuan 5G, 4G, Wi-Fi, Bluetooth 5.3, NFC, GPS, USB Type-C port a support a, 5,000mAh battery neiin, 100W SUPERVOOC flash fast charging a support bawk.