tar Wars trilogy original Harrinson Ford-a’n Han Solo lem changa a BlasTech DL-44 Heavy Blaster hman chu dollar 10,57,500-in an hralh! He silai hi Rock Island Auctions, Illinois, USA-ah an lilam a, he silai hi 1976-a ‘A New Hope’ tana an siam, pathum zinga hmuh tur la awm chhun a ni.
-- Advertisement --
London props house Bapty kutchhuak a ni a, close-up shots leh publicity thlalak vela an hman thin a ni. A silai hi Star Wars set director Roger Christian-a’n an film siama hman atan a thlang a, armourer Carl Schmidt-a’n a remkhawm vel a ni.
He silai hi Khawvel Indopui Pakhatna lai pawha an hman lar Mauser C-96 ‘Broomhandle’ pistol bakah Indopui Pahnihna bawr vela hman lar MG81 machine gun flash-hinder leh rifle scope Hensoldt-Wetzlar kutchhuak te remkhawm niin an sawi.
A silai leh part hrang hrang hi film atan Bapty hnen atanga an hawh a ni a, film chan zawhah an pe kir leh a, anni hian an lo phelh darh leh ta a, mahse, 2010 khan Bapty neitu, Terry Watts chuan armourer Carl chu a remkhawm tir leh ta a ni.
An lilam hma hian dollar 5,00,000 vela hralh theih an inbeisei a, mahse, fans lamin an lo ngaihlu hle a, dollar maktaduai chuangin an hralh thei ta a ni.