Online-a cab book-na siam tum

Mizoram State Transport Authority chu Thawhlehni khan chief minister Lalduhoma’n a office-ah a kawm a. Mizorama khualzin phur lirthei tihhmasawn dan tur an sawiho.
State Transport Authority hian hma thar lak dan tur a ruahman – online cab booking system chungchang, Aizawl khawpui chhunga maxi cab lut thin relfel chungchang, maxi cab service tam ber Sumo siam thar a nih tawh loh avangin thingtlang bazar bus kan uar thar leh dawn nia an hriat thu leh, chutiang hun a lo thlena inbuatsaih dan tur an thlen a. Online cab booking system hi buaipui hmasak nise tha an ti. Passenger phur lirtheite tihhmasawnna tur thil dang pawh an sawi bawk.
Thutkhawmah hian Home minister K Sapdanga, Transport minister Vanlalhlana leh Supply minister B Lalchhanzova te an tel.