Opposition alliance INDIA MP rual ten Manipur tlawh dawn

Opposition alliance INDIA a MP rualte chuan July 29 leh 30 ah buainain a nuai mek Manipur-a thil awm dan chiah enfiah turin Manipur an tlawh dawn.
Tunkar chhung hian Opposition member 20 te chuan Manipur hi an tlawh dawn a, mit ngeiin thil awm dan thlira hriatfiah an tum dawn a ni tiin Lok Sabha-a Congress whip Manickam Tagore chuan a sawi.
Opposition leader te hian buainaa khat mek Manipur state tlawh tumin hma an la reng a, mahse, tlawh phalna an hmu thei ngai lo a ni.
Congress leader Rahul Gandhi chuan a hmain Manipur hmun thenkhat State sorkarin tlawh a phalsak chin te a lo tlawh tawh thung a. Hetah pawh hian kal dan tura a ruahmanna te State sorkarin a remtihsak loh avangin sawiselna a nasa tawh hle a ni.
Tun tuma MP rual Manipur tlawh tur zingah hian INDIA a tel party insuihfin 26 a member hrang hrang te an awm dawn a ni.
Opposition MP rual te chuan Manipur chungchang chu Parliament chhung leh pawnah sawiho an ngiat tlat a, Prime Minister chu tawng chhuak turin an phut bur bawk.