Opposition ten Adani Group chhui turin ED ngen

Opposition party hruaitute chuan inthurualin Enforcement Directorate (ED) chu Adani Group te chu shell company kaltlanga dik lo taka thil an tih nia puh chungchang chhui chiang turin an ngen.
ED Director S.K. Mishra hnena lehkha an thawnah parties te chuan probe agency te chu ‘an tihtur ngawih ngawih haiderin an hnungchhawn thei lo’ tiin an sawi a.
He lehkhathawnah hian Congress, CPI, CPI-M, JDU, SS (UBT), RJD, DMK, JMM, AAP, IUML, VCK, Kerala Congress leh party dang hruaitute chuan hming an ziah hnan a ni.
Adani issue chungchanga Enforcement Directorate hnena complaint thehluh tuma a huhova kal an tum chu Vijay Chowk-ah police ten an lo dang chat thung a. Parliament House atangin Vijay Chowk hi pan an ni.
ED hnena an lehkhathawnah opposition leader te chuan, “Tun hnaiah ED te chuan political favour icism kalpuiin case bawhzui bik an nei tih kan hria a, chung zingah chuan SEBI leh CBI te nen pawh thawk hova chet an lak dan kan hria a ni. He thila Supreme Court Commission dinin tihtheih an neih tlemzia pawh kan hria a. ED hnenah hian eng vang pawhin an tihtur ngawih ngawih haiderin an hnungchhawn thei lo tih kan hrilh duh a ni,” tiin an sawi a.
“Hei vang hian keini Opposition member-te chuan kan ngenna te rang taka bawhzui nghal turin kan phut che u a ni,” tiin ED director hnena an lehkhathawn chuan a tarlang bawk a.
Lehkhathawn chuan tun hnai thla thum chhungin Adani Group te thil tihdik loh public domain-ah finfiahna thahnem tak pholanin a awm an ti bawk a.
“Tichung chuan Enforcement Directorate chuan dik leh fel takin heng case te kalpui tia insawi hian thil lian tham leh nasa zawkah pawh preliminary enquiry takngial pawh a la ti duh lo,” an ti bawk a.
“Hei vang hian loh theih lohin ED hnenah hian kan economy mai ni lo kan democracy tan pawi thei thil nghawng nei thei te hi chhui chiang nghal turin kan ngiat a ni,” tiin an sawi bawk.
Congress leader Jairam Ramesh chuan, “Opposition party 16 leader leh MP rual te chu complaint letter pe tura kal te chu ED office an thlen hmain dan chahin an awm,” tiin a sawi zui bawk.
Opposition leader te chuan Adani group te chetlak dan chu nghawng thui tak nei corporate fraud, political corruption, stock-price manipulation te kalpuina niin corporate group pakhat te chauh hlawkna tura fing thiam taka chetlakna tiin an sawi bawk a.
Adani Group company te chuan offshore shell company network neiin heng offshore fund te hi Adani Group kaihhnawih te chuan an thunun leh enkawl vek a ni an ti bawk a.
Adani Group te thung chuan an company an puhna tun hnaia US a inbun Hindenburg report te chu behchhan nei lo tia sawiin an group chuan engmah tihdik loh an nei lo an ti ve thung.