Oral Health Day hmang

Oral Health Day hmang
March 20 khan khawvel hmun dang rualin Mizoramah World Oral Health Day hman a ni.
Aizawlah chuan Health & Family Welfare Board vice chairman Dr ZR Thiamsanga, MLA hoin hman a ni a. Mizote chu kachhung hriselna lama kan thanharh a tul takzet tih sawiin, zuk leh hmuam kan tih nasat avanga natna, a bikin cancer kan vei nasat zia leh oral health inzirtirna kawngah nasa taka tan lak thar a tul thu a sawi. “Zuk leh hmuam, ruihtheih thil reng reng, kan ka atanga lut lo tura mitinin kan ka chhung kan vawn thianghlim a tul a ni,” a ti.
Kumina he Ni thupui chu “Be Proud of Your Mouth” (In other words, value and take care of it) tih hman a ni a. Aizawla hmannaah hian Dr Thangsailova’n ka chhung hrisel pawimawh zia a sawi a ni.