Oral Health Day hmang
National Oral Health Programme NHM, Health & Family Welfare department huaihawtin Zirtawpni khan World Oral Health Day hman a ni. Kumin hian thupuiah “A happy Mouth is.. a happy mind” tih hman a ni.
Hmanpuitu Health & Family Welfare minister Lalrinpuii chuan District Hospital, Community Health Centres leh Primary Health Centres-a Dental OPD chu mipuiin a theih anga pan taimaa hmang tangkai turin chah. Ka chhung hriselna ngaipawimawha zuk leh hmuam ti lo kan tam tawh tih sawiin, “Zuk leh hmuam tih loh kawngah hma kan sawn tawh a. A bikin thalaiten zuk leh hmuam tih loh hi inzirtir uar ila, nu leh pate pawhin kan fate zuk leh hmuam ti lo zel turin zirtir ang u,” a ti.
World Oral Health Day hi March 20 kha niin, remchang zawkna avangin March 21 hian Aizawlah chuan hman a ni.
National Oral Health Programme state nodal officer Dr F Lalrimawii’n an hnathawh leh ka chhung enkawl that a pawimawhna leh enkawl dan tur powerpoint presentation nen a sawizau.
Kum 2017 -2022 chhung khan Mizoramah ka chhung cancer 1105 an awm a. Kum 2024 chhunga sawrkar damdawi in hrang hrang Dental OPD-a inentir 72005 an awm a ni. India ram hi ka chhung hriselnaah khawvelah a hniam ber dawttu an ni a, heti chung hian oral health hian ngaihpawimawh a hlawh lo hle tih a sawi.
Oral Health Day hmang
Get real time updates directly on you device, subscribe now.
Prev Post