Orissa-a ringtute tan tawngtaipui turin ngen

Missionary Graham Staines leh a fate tualthihna, Orissa Kandhamal district-ah tunhnai hian RSS leh Hindu firfiak pawl inhawrkhawmin an inlar nasa a, Kristiante leh missionary-te tana him lo thurel an neih avangin Orissa for Christ (OFC) tawngtaipui turin kohhran mite an ngen.
Thudawn dnain, August 23 – 25 chhung hian Hindu puithiam Swami Lakshmanananda thihna tharthawhin, August 23 khan an thahna hmun Temple-ah sunna hun an hmang a, vawiin – August 24 hian district collector/ DC hnenah an khawmpui thurel pek an tum.
An thurel zingah – a khawtual mi Kristiana inlette chu an sakhuaa let vek tura tiin, sakhaw danga inleh tirtu chunga action lak nise, tih a ni. Agenda dangah, pawnlam atanga lut (Orissa mi ni lo hrim hrim) mi tu pawh Hindu sakhua dodal zawnga khawsa chungah na taka action lak a ni anga, chutiang ti an awm chuan district thuneitu hnenah thlenin, hnawh chhuah tir an ni ang, tih a tel bawk.
Heng avang hian helai hmuna Kristian-te leh missionary-te pawh hmun him lama insuanchhuah lailawk tir an ni.