An mikhualnaa point thum hlawhchhuakin league table-a pahnihna Real Madrid chuan Spanish La Liga lama hmahruaitu Barcelona an hnaih leh hret a, mahse, nizan result tarlan hman loh pakhatah hmahruaitu Barca hian an mikhual Cadiz an hneh chuan point riat bawkin Catalan team hian Bernabeu club an kalsan leh ang.
Inrinni zan inkhelah Real Madrid hian goal an khung har hle a, an goal hmasa zawk hi minute 78-a Vinicius Junior siamsak atanga Federico Valverde tihluh niin, season kal laiah La Liga goal sarih a thun tling chiah a ni.
Home supporter phur leh thatho zet hnuaiah Osasuna-in an mikhual Real lakah hlauhawm an siamchhuak fo a, goal hnih lai chhuah mah se inthlahdah thei loin Real an siam ve reng.
Madrid club hian hliam avangin an top scorer Karim Benzema an chhawr thei lo a, mahse, second-half lamah goal hnih an hlawhchhuak a, Carlo Ancelotti team-in Barcelona nena an inkar an pawtzim hlek.
Osasuna 0-2 Real Madrid
Get real time updates directly on you device, subscribe now.
Prev Post
Next Post