Lerh hi inthlah chhawn theih chu ni chiah lo mahse, pa lerh deuh chuan fa lerh deuh an nei duh an tih tlat chu.
Czech scientist-ten zirchianna an neih hnuah ‘a pa siar a pa siar’ (like father like son) tih hi a dik niin an sawi.
-- Advertisement --
Relationship scientist-te chuan mipa leh hmeichhe lerh an awm ve ve a, chutih laiin fate an la naupan deuh laia pa berin a nupui a lerhsan chuan a fapa pawhin chutiang a rawn chin chhunzawm ve mai theihna risk a sang bik niin an sawi.
Zirchianna neitute zinga mi Jan Havlicek chuan, ‘Mipa naupang chuan a chheh vel boruak a rawn zir uluk hle a, chin dan tha leh tha lo pawh a nu hnen aiin a pa hnen atangin a zir nasa zawk a ni,” a ti.
Charles University, Prague-a mithiam te chuan zirchianna atan hian nupa tuak 86 te an tunhma nun atangin an chhui bing a, chuta tanga an thutlukna chu mipain hmeichhe dang laka a nupui a rinawm loh san hian, a nupui laka a hlim loh vang emaw, a nupui a kham tawh hrim hrim vang emaw pawh a ni hran lo, an ti.
Mipa ten an nupui te an rinawm loh san chhan ber chu mipat hmeichhiatna hman an duh vang leh a tam thei ang han kawp kual vel an chak ve hrim hrim vang niin an sawi bawk.
He zirchianna chungchang hi European Human Behaviour and Evolution Association conference-ah chhawpchhuah a ni.