Padma Shri dawngtu chhuang

TNT founder Dr Sangthankima’n social work atanga Padma Shri award a dawng chu an chhuangin an lawmpui takzet tih ZPM Thalai chuan sawiin, TNT rawngbawlna in Pathian malsawmna a dawn zel theih nan duhsakna sang ber an hlan tih an sawi.
ZPM Thalai Hqrs. chuan, TNT tia hriat lar – Thutak Nunpuitu Team hi Dr Sangthankima hian 1988 November 14 khan Champhaiah dinin, ruihhloin a tihbuai, fahrah leh pianphunga rualbanloten tisa, rilru leh thlarau lama an chak lohnaah leh ei leh in chungchanga harsatna an tawh thinte awmze nei zawka enkawlna tha an dawn theihna’n he rawngbawlna hi kalpuiin, tunah hian Aizawlah enkawl 1810, Lungleiah 748, Kolasibah 363, Champhaiah 364, Tahanah 250, a vaiin enkawl lai 3535 an awm tih a sawi.
‘Hetiang rawngbawlna pawimawh tak, mi tam takin kan buaipui theih loh tur, harsatna tam tak paltlanga midangte tana inpumpekna hmanga Pathian kohna Dr Sangthankima’n a chhang hi ropui kan tiin, kan chhuang a. May 9-a India President-in Padma Shri Award a hlan hi kan lawmpui a ni,’ a ti.