Pahnihnaah Barca kai chho

Sithum faia mualneitu Atletico Madrid sawp chungin Barcelona chuan La Liga table-ah Girona hmakhalhin pathumna an luah chho a, panganaah Atletico an chesawn lo thung.
Pathianni zan inkhelah Joao Felix chuan mikhual hmahruaina leh first half-a goal awmchhun khungin, season kal laia league goal vawiruk a thunna a ni.
Barcelona loanee Felix hian a parent club Atletico Madrid tlawmna goal pakhat a thawh a, tun kha La Liga home match bika Diego Simeone-a team tlawm vawikhatna chiah a ni.
Nikum December thlaa sikhat faia Atletico an hneh \um pawh khan Felix bawk hi Barcelona chakna goal awmchhun a lo ni tawh bawk.
Portugal forward hian tun season \an rual khan Atleti a\angin Barca hi loan-in a zawm a, an chhuah fuh vak lo niin a lang.
Forward Felix hian minute 38-ah Catalan team goal hmahruai hi khungin, he mi hnu lawk hian official thutluknaa a lungawilohna a lantir duhthawh deuh avangin Barca manager Xavi hnawhchhuah a ni.
Second half tir lamah Robert Lewandowski leh Fermin Lopez-te’n mikhual team tan goal khat ve ve an thawh belh a, hmahruaitu Real Madrid kal fal zual tur nena an inkar an pawtzim hlek.
Mualneitu Atletico hian khawng takin bul an \an a, Felix-a goal luh hma khan \um hnih ngawt Alvaro Morata chuan a hun \ha neih a bawhpelh.
Karliamta laihawl Champions League last-16 second-leg inkhelah Atletico hian extra time thlenga khelin penalty petah Inter Milan an hneh hram a, chu chuan an player-te tha a heh deuh a ni mai thei a, second half-ah an hah deuh niin a ngaih theih.
Polish striker Lewandowski chu defending league champion tan goal-ah a inrawlh leh a, Felix leh Lopez-a goal tur a siamsaktu a ni zui bawk.
Hun pekbelhah Argentine defender Nahuel Molina chu Barcelona forward Vitor Roque laka a foul avangin red card pek a ni a, hun a tawp zui titih mai avangin Atletico-in a tlem zawk nihna an tuar hman ta chiah lo.
Tun kha January 2023 daih tawha Barcelona laka sikhat faia an tlawm hnu Wanda Metropolitano league game-a Diego Simeone-a team tlawm leh vawikhatna a ni.
Inkhelh banah Xavi chuan an game complete felfai \ha ber a la nih thu leh karliamta Champions League-a Napoli an hnehna game nen inang tak a nih thu sawi chungin a duh dan leh beisei dan ang takin anaute’n an khel chhuak thei niin a sawi a, title hraw ber ber pahnih hawn thei turin theihtawp an chhuah zui zel dawn tih sawi chungin hnawhchhuah a nih chungchangah \ul lo leh fair lo tak a nih thu sawi chungin an pawm mai a ngaih thu a tarlang tel.
Real Madrid leh Barcelona meuh hmakhalha La Liga table-a hma han hruai ve deuh reng Girona chuan season boruak sang chho mekah hnungtawlh lam an pan mek a, Inrinni khan Getafe lakah sikhat faia tlawmin pathumnaah an chhuk ta hial a ni.
Barca hian point 64 neiin pahnihna an luah chho a, Girona laka point hniha sangin, hmahruaitu Real lakah point riatin an la hniam thung.