Punjab province, Pakistan-a dan pawna awm (outlaw)-te chuan Hindu pathum an ru bo va, police hnenah an thian an mante chhuah tura phut nan hmangin an chhuah lo a nih chuan an mi hrente chu thah an tum tin an sawi.
Police chuan he inruk bona hi Bhong, Rahim Yar Khan district, Punjab province-a Nilainia thleng niin Lahor khawpui chhimthlang km 400 velah a ni tih an sawi.
Hindu-te hi thalai vek – Shaman, Shameer leh Sajan an ni a, Chowk Sawetra Basic Health Unit (BHU), Bhong-a an awm laiin ralthuam keng mi pangain silaia tinin an hruai a, Katcha (lui kam) velah an hruai a ni.
Outlaw hotupa ber, Ashiq Korai chuan a hnuah video tichhuakin Ahmedpur Lama police station-a an officer, Rana Ramzan chu tihchhanin an chhungkaw zinga mi 10-te chhuah turin a ti a, “A nih loh chuan Hindu thalaite hi kan that ang a, police kan bei bawk ang,” a ti.
Video-ah hian Hindu thalai an mante pawh hi langin thir khaidiatin an hling a, thuneitute hnenah chhuah dan dapsak turin an ngen.
Nikum khan Rahim Yar Khan district-a Kacha-ah hian outlaw-te hian police lirthei pahnih an beihnaah 12 thatin pasarih an lo hliam tawh.
Punjab province chhim lam leh Sindh province-a lui kam, Katcha an tih huam chhungah hian heng outlaw-te hian thil an tithei hle a, Punjab police hian beihpui thlak ve fo mah se an timit hleithei lo.
Outlaw-te hian tlanna phut nan mi an ru bo nasa a. An ruk bote hi Pakistan-a a tlem zawk, Hindu an ni tlangpui a, hei hi thuneituten an ngaihven lehzual nana an tih a ni.
Pakistan-ah Hindu pathum ru bo
Get real time updates directly on you device, subscribe now.
Prev Post