Pakistan president hlui general pervez Musharraf, kum 1999 a sokar paihthlaa sipai sorkar dintu chu kum 79 mi niin a thi.
Musharraf hian kum 2001 leh 2008 inkar khan president nihna chelhin Dubai khawpuiah hun rei tak dam lova a inenkawl hnuah a thi tiin pakistan army te chuan an sawi.
Musharraf hian thah tuma beihna tum tamtak a paltlang a, militant Islamist leh Khawthlang ram te inbeihna kara harsatna tam tak paltlanga ding reng thin a ni.
Pakistan ram chhungah an duh lohle chungin US in 9/11 thlen hnua ‘war on terror’ a kalpuiah a thlawptuah a tang a. Kum 2008 khan inthlanaah chak lovin a hnu thlarukah an ram a chhuahsan zui ani.
-- Advertisement --
Kum 2013 khan inthlana chuh turin an rama let leh chu man niin inthlan chuh thei lova siam zui a ni a. Ram phatsantu tia puh niin thi tura a chungthu rel niin mahse thla khat hnu lekah chhuah zalen a ni thung.
Kum 2016 khan Pakistan chhuahsanin Dubai a pan a, hetah hian a thihni thlengin a cham ta a ni.
Pathianni zing lam khan damdawi In a awmnaah a thi zui a. A ruang hi UAE atangin special flight in Pakistan panpui a ni dawn a ni.
Pakistan sipai te chuan thuchhuah siamin Musharraf chu an ui thu an sawi bawk a. Pakistan President Arif Alvi pawhin uina thu a sawi bawk a, chutiang bawkin prime minister Shehbaz Sharif pawhin uina thu a sawi bawk.
Musharraf rorel lai khan extremeist te vung vanglai a ni a, a hunlaiin Pakistan economy nasa taka siamtha tu a ni bawk a.
Chutihrualin sawiselna tam tak tawk bawkin prime minister hlui Benazir Bhutto kum 2007 a Taliban tena an thah khan Pakistan chu security pe tha tawk lovah puh an ni.
Kum 2019 a man a niha ram phatsantu tia a chungthu rel a niha thi tura tih aniha a hnua chhuah zalen a nih hnua Pakistan a chhuahsan hnuah a let leh tawh lo a ni.
Musharraf kaihhruai hlui tuna Imran Khan party a senior leader ni mek Fawad Chaudhury chuan Musharraf chu fak in, “Military dictator tih a ni a, mahse, a hunlai aia democratic system chak that a awm lo. Hun khirhkhanah Pakistan a kaihruai a, Pakistani te pawhin Musharraf hunlai kha Pakistan history hun that lai ber an ti a ni” tiin a sawi.