Kum tam kal tawhah khan US-a inbun South Asia specialist chuan Indian local analyst nena inkawmin chuta an thusawi chuan tun thlengin awmzia thuk tak a la nei a.
“Pakistan a bai a nih chuan min tihbuai nasat loh nan hmalak a ngai,” tiin Michael Kugelman, director of the South Asia Institute, Wilson Centre think tank, Washington hnenah a sawi a.
Tun hnaiah Pakistan chu political leh economic crises-in a bawh buai hneh hle a. Prime Minister hlui Imran Khan chu eiruk thubuaia puha man niin chu chuan ram pumah buaina a chawk chhuak a, inflation a sangin hmasawnna a tlabal a, leiba tam tak neiin Pakistan chu buai mai thei dinhmunah a ding bawk.
Imran Khan chu Pakistan politics lama a lailum luah rengtu Army te nen an inbakkaih reng a, Khan chuan sipaite chuan a nunna laksak an tum tihialin a puh bawk.
“I hmelma thenawm, hun ralmuangah pawha inbakkaih rengin politics lama buaina thuk tak nei a, lungawilohna lantirna nasa tak a tawh a, army leh civilian hruaitute inepna a awm reng chuan hlauthawng tur i ni,” tiin Kugelman chuan a sawi.
“Pakistan buaina chu India ramah hlet neiin a inlar ang tihna a ni lo va, Pakistan chuan India tana hlauhawm thei a bik takin firfiak te a thunun thei lovang tih chu hlauhthawnawm zawk a ni,” tiin a sawi bawk.
Ram pahnihte hian kum 1947-a indang ram an nih hnuah tum thum an indo tawh hrim hrim a. Pakhat tih loh chu Kashmir inchuhna vanga indona vek a ni a. Kum 2019 khan India chuan Pakistani ram chhungah firfiak tena Kashmir a India sipaite an beih hnuah air strike a nei hial a. Kha thil thleng avang khan ram pahnihte chuan ‘nuclear war’ an hnaih hle tiin khatih laia US Secretary of State Mike Pompeo chuan tun hnaia a chanchin a ziahnaah a tarlang a. Mahse, kum 2021-a ramri kaihhnawiha inremna an siam chuan boruak a tidai deuh zui ta a ni.
-- Advertisement --
India tana thenawm ram buai tak chu ngaihmawhawm a ni em?
Tun hmaa thil thleng tawhin lantir a nei a. Kum 1971-a Pakistan ram chhung buaina chuan subcontinental war thlengin Bangladesh ram a pian phah tawh a. Kum 2008 khan Pervez Musharraf a kaihhruai sipai sorkar chu inthlanah hnehin an awm hnu thla leh lawkah firfiak te Pakistan atanga chhuak te chuan India khawthlang lam khawpui Mumbai an bei zui a ni.
Tuna Pakistanin buaina a tawh mek hi India tan chuan history thlirin ngaihthatna chi a ni lo, tiin Husain Haqqani, Pakistan ambassador hlui leh Hudson Institute, Washington DC leh Anwar Gargash Diplomatic Academy, Abu Dhabi a scholar chuan a sawi a. “Tuna politics buaina turu tak leh Pakistan-in economic lama harsatna tawp a tawk mek bawk si chuan sorkar chu tichak lovin ram chhungah chaklohna a nasa hle tih a lang a ni,” tiin a sawi.
Mithiamte chuan thil pahnih awm thei a sawi : Pakhatnaah Pakistan chuan India nena inremna zawn leh Pakistan chuan India beitu firfiak te nasa zawka chet la tura fuih te chu thil thleng thei lo ber turah an ngai thung a. “Tunah tak hi chuan Pakistan hian buaina dang hmachhawn belh a zo ngang lo a, India nena buaina thar neih phei chu a zo dawn lo,” tiin Kugelman chuan a sawi.
New Delhi-in a hlauhthawn ber tur nia an ngaih zawk chu Pakistan ram chhung buai zuai zelah Pakistan chuan a ram chhunga awm firfiakte a thunun thei lovang tih zawk a ni, tiin Kugelman chuan a sawi a.
Avinash Paliwal, SOAS University of London a politics leh international studies zirtirtu pawhin chu chu a rin ber niin Pakistan buaina chuan ramria inkahhaina awmze nei lovin a siam thei a ti.
“Pakistan nena ramri a inkahhaina bawhchhiatin awm se India tana hlauhawm em em a ni lo thei a, mahse China nena inepna nei reng an ni a, thil a hlauhawm phah ve thei a ni,” tiin Paliwal chuan a sawi bawk.
Chutih laiin Indian tam tak te chuan Pakistan buaina chu ngaihsak vak loh turah an ngai ve thung tih a ni a. India economy chu Pakistan aia a let 10 a lian niin Pakistan economy chu Maharashtra, India state hausa ber ai pawha nep zawk a ni bawk.
“Chutihrual erawh chuan India in Pakistan buaina atanga thil hlauhawm thleng thei a ngaihthah a nih erawh chuan chu chu thil hlauhawm tak a ni tawh thung,” tiin Kugelman chuan a sawi bawk.
Chutih laiin commentator Sharat Sabharwal, Pakistan-a Indian High Commissioner lo ni tawh ang te chuan Pakistan chu a tlukchhiat ring lo thungin tun hma ang bawkin harsatna namen lo a tawk rih mai angah an ngai thung.