Kumin March thla khan Patrick Vieira thlakin a tum hnihna atan Crystal Palace manager hna a chelh leh a, an inremna ang chuan season tawp thleng tih ni mah se kum 74 mi ni tawh Roy Hodgson chuan season tharah pawh Selhurst Park-ah boss hna a thawk chhunzawm dawn.
England boss hlui hian kum 2017 atang khan Palace hi kum li chhung enkawlin, kum 2021 nipui lai khan football atanga chawlhhahdam ve tawh a duh avangin a nihna a bansan a, mahse, dinhmun chhe taka ding a club hlui mamawhna chhangin Arsenal captain hlui a thlak a, Palacechu relegation zone atanga khaichhuakin, team a enkawl hnua game 10 a khelhpui atangin point 18 a hmuhpui a, Premier League-a 11-na ni chungin season an khar thei.
Inter Milan, Blackburn, Fulham, Liverpool, West Brom leh Watford manager hlui hian Switzerland, United Arab Emirates leh Finland head coach hna pawh a lo chelh tawh a, club leh national team-a tawnhriat ngah tawh hi Palace chuan season thara an team enkawl turin an chhawr zui dawn a ni.
Palace boss ni chhunzawm tur Hodgson
Get real time updates directly on you device, subscribe now.
Prev Post