Pangang khawitute hmanrua pe

Serchhipa Sericulture department hnuaia Baktawng Cluster huamchhunga pangang thar rang chi (Eri) khawitute hnenah Solar Electric Light Company (SELCO) chuan Zirtawpni khan nizung chakna hmang solar electric bulb leh solar light hrang hrang an hlan.
SELCO hian Sericulture department nen tangdunin Silk Samagra-2 hmalakna hnuaiah Baktawng Cluster huamchhunga Eri vulhna – rearing house chawmtu turin heng solar bungrua hi an hlan a. Tun tumah hian a bul tan nan Eri pangang khawitu 14 hnenah hlan a ni. Mizoram hmun hrang hrangah Eri pangang khawitute hnenah solar bungrua hi hlan chhunzawm zel tumin, kum 2025 thlengin mi 1500 chuang hnenah hlan hman an tum.
Kum 1995 khan Dr Harish Hande leh Neville Williams chuan Bangalore-ah SELCO Foundation hi dinin, an tum ber chu India ram pumah nizung tha chakna hmang power rintlak leh tlo zawk nen thingtlangmite an ngelngheh a, an changkan chhoh zelna tura India rama thingtlang khuate dawmkan a ni.
Solar hmanrua dawng tharte hnenah hian a enkawl dan zirtir nghal an ni bawk.