Parliament hlui Samvidhan Sadan ti

Old parliament building chu ‘Samvidhan Sadan (Constitutional House)’ tih a ni ang, tiin Prime Minister Narendra Modi chuan old building-a thusawina hnuhnung ber a neihah a sawi a. A thusawi zawhah ke in parliament member te chu building thar a panpui zui a, building thar zawk chu official Indian parliament a ni tawh dawn a ni.
“Vawiin hian helai hmun chhuahsanin parliament building thar kan pan a. Vawiin hi ni pawimawh niin Ganesh Caturthi a ni” tiin PM chuan a sawi a ni.
“Ngun takin in ngaihtuah vekin ka ring a, vawiin hian parliament building thar kan pan dawn a, he house ropuina hi a chuai tur a ni lo. Old parliament kan ti mai tur a ni lo va. Hei vang hian in remtihnain he building hi ‘Samvidhan Sadan’ tia koh ni zel rawh se. Samvidhan Sadan-ah hian mi ropui tak tak Constituent Assembly te pawh an lo \hu tawh a ni” tiin a sawi bawk.
He building hi British architects Sir Edwin Lutyens leh Herbert Baker tena an design niin kum 1927 khan sak zawh niin kum 96 a upa a ni mek a. Mahse, parliament member te a thleng zo vek meuh ta lo a ni.
Sorkar chuan building hlui chu tihchhiat a nih loh tur thu sawiin, chei \hata parliamentary event hrang hrang huaihawt nana hman zui tur a ni bawk a. Building hmun \hekhat chu museum ah leh tum a ni bawk.
“A structure chu India archaeological asset anga ngaih a ni ang” tia sawi a ni bawk.