Parliamentary Conference-ah Mizoram Assembly speaker tel

Kumtina neih thin Commonwealth Parliamentary Conference vawi 69-na chu South Africa khawpui Cape Town-a neih mekah Mizoram Legislative Assembly speaker Lalbiakzama a tel a. Assembly addl. secretary Lalthangmawia’n a tawiawm.
Conference thupui chu “Unity to protect Multilateralism, Observing International Law for Equality and Development in the Commonwealth and Beyond: The Role of Parliaments” tih a ni a. Khawvel huapa parliamentary system chawisan zelna leh khawvel ram hrang hrangin rualkhai zawka hmasawnna kawng an zawh tlan theihna tur thupui hrang hrang hmangin sawiho a ni.
Thil tam tak sawiho zingah “Artificial Intelligence in Parliament: Current Applications, Prospects and Implementation Strategies” ah Lalbiakzama hi Indian delegates aiawha ‘lead speaker’ a ruat a ni.
Commonwealth Parliamentary Association hi tunhmaa British sawrkarin a lo awp tawh ram, parliamentary system hmanga ram rorelna kalpuitute intelkhawm niin ram 56 an tel.
CPA Conference vawi 69-na hi September 13-20 chhung awh tur a ni a. Kum 2027-ah Conference vawi 70-na chu Ottowa Canada ah nghah a ni ang.