Opposition leader hruaitu lawk te chuan Zirtawpni (June 23) khan kum 2024 Lok Sabha inthlana anti-BJP front siam a nih theih nana ruahmanna siam turin Patna khawpuiah inhmuhkhawmna an nei a.
He meeting-ah hian Opposition unity chungchang tih loh seat sharing leh leadership kaihhnawih thil te chu la sawiho loh tur nia ngaih niin Opposition party 30 atangin leader rual 15 te an tel a ni.
Congress president Mallikarjun Kharge, party leader Rahul Gandhi, West Bengal Chief Minister Mamata Banerjee, Delhi chief minister Arvind Kejriwal, Punjab’s Bhagwant Mann, Tamil Nadu’s M K Stalin, Jharkhand’s Hemant Soren, Samajwadi Party supremo Akhilesh Yadav, Maharashtra chief minister hlui Uddhav Thackeray leh NCP president Sharad Pawar te chu langsar zual an ni a. Anni bakah hian Leaders of the PDP, CPI(M), CPI, CPI(ML) leh National Conference te pawh an tel bawk.
Kum 2024 inthlanpui neih hunah Opposition party tangrual te chuan BJP te chu an hneh dawn tiin Congress leader Rahul Gandhi chuan a sawi a. Inbeihna chu Congress te “Bharat Jodo” ideology leh BJP te ‘Bharat Todo’ inbeihna a ni tiin a sawi a.
BJP te chu “India thendarh leh huatna leh tharum thawhna thehdarh” tumin hna an thawk tia sawiin India ramah ideology inbeihna nasa tak a thleng mek a ti bawk a.
“Kawng lehlamah Congress a awm a, Bharat Jodoi ideology an kalpui a, a lehlamah BJP leh RSS te Bharat Todo ngaihdan neitute an awm bawk,” tiin Rahul Gandhi chuan a sawi a.
Chuvang chuan a nia kan kalkhawm reng ni, a chhan chu Congress DNA ch Bihar-ah a awm tlat a ni, tiin Rahul Gandhi chuan a sawi bawk a. “Opposition party tin te hetah lokal khawmin tangrualin BJP te kan hneh dawn a ni” tiin a sawi bawk.
Tamil Nadu Chief Minister MK Stalin pawhin opposition meeting chu ‘fascist leh autocratic rorelna’ duh lova ‘indona beihpui’ tiin a sawi a. DMK chief hian a hma ni Ningani ah Bihar chief minister Nitish Kumar chu a titipui bawk a ni.
-- Advertisement --
BJP ten beilet nghal
“Kum 2924-ah PM post vacancy a awm lo. Opposition unity tih hi dawt a ni a, thlalak atan chauh a ni. Lalu Yadav leh Nitish Kumar te hi Congress tena Emergency an puan duh lova beitute an nia, tunah an tanrualpui a,” tiin Union Minister Pashupati Kumar Paras chuan a sawi a.
BJP president J.P. Nadda pawhin Opposition inhmukhwm chu nuihsawhin hun remchang zawng leh ngaihdan inang lo nei kalkhawm a ti bawk a.
“June 23-a Opposition te inthuruala inhmukhawma Patna an kalkhawm hi mak ka ti a. Ka naupan laia ka pianna leh school kalna Patna min ti hrechhuak a. Lalu Prasdad Yadav, Indira Gandhi, Rahul Gandhi pi in thla 22 lung in a khung leh Indira Gandhi vekin thla 20 lung in a khung Nitish Kumar ngai te tho kha an la ni,” tiin Nadda chuan a sawi bawk.
“Thla la ho turin an kal khawm a. Eng anga tam party pawh pungkhawm ni se an inlungrual thei ngai lovang” a ti bawk a.
“Vawiin hian Patnaah photo session a awm mek a, Prime Minister Narendra Modi leh NDA cho in hma an la a. Ka hrilh duh chu PM Modi chuan kum 2024 Lok Sabha inthlanah seat 300 chuang lain sorkar-na a siam dawn tho,” tiin Amit Shah chuan a sawi bawk.
Congress te chuan anmahni chauhin Prime Minister Narendra Modi chu an hneh theih si loh avangin lamtang an sawm a ni, tiin a sawi bawk.
BJP leader leh Union Minister Smriti Irani chuan JD(U) te leh opposition party dangte nuihsawh thungin hruaitu thenkhatte Emergency hunlaia democracy tihlum tuma beihna hmutute chuan Patna-ah Congress te an thurualpui leh a nia tiin a sawi bawk a.
Anmahniin Modi chai ngaihna an hre si lo an inthurual a ni tiin a sawi a. “Anamhni chauhin Modi an chhutchhiat theih loh avanga lamtang ualau taka an siam thu an tarlan avang hian Congress te hnenah lawmthu ka sawi duh zawk a ni,” tiin Smriti Irani chuan a sawi bawk.
Maharashtra Deputy CM Devendra Fadnavis thung chuan Patna a pungkhawm party te chu dynast vek tia sawiin an chhungkua humhim an tum avanga pungkhawm an ni tiin a sawi thung a.
A bik takin Davendra Fadnavis chuan Maharashtra chief minister hlui Uddhav Thackeray leh Jammu and Kashmir a PDP chief Mehbooba Mufti te chu a sawisel nasa zual bawk.