Pawar leh Nitish Kumar inhmu dawn

Nationalist Congress Party supremo Sharad Pawar chuan India chuan NDA sorkar ni lo ‘duhthlan tur dang’ a mamawh tia sawiin May 11-ah Bihar Chief Minister Nitish Kumar nena inhmuhna Mumbai-ah an nei ang, a ti.
May 10 Assembly inthlan Solapur a neih turah party candidate tana Nipani, Karnataka-a rally nei tura a kal hmain Pawar chuan Kumar nena inhmuh an tumna chu tihchian a nih thu sawiin, “Kan thlir dan chuan NDA sorkar ni lo duhthlan tur dang ramin a mamawh a ni,” tiin a sawi.
Ramri hnaiha awm Nipani, Belagavi leh Kanwar te hian Marathi tawng hmang mipui thahnem tak a nei a, helai hmunah hian tun hnaiah politicial party lian hruaitu lawk te Deputy Chief Minister ni mek leh senior BJP leader Devendra Fadnavis te pawh an campaign a, Chief Minister Eknath Shinde erawh BJP te nen Bengaluru, Mangaluru leh Udupi ah an campaign thung.
NCP leader chuan party tin te chuan tum thuhmun neia an thawh a ngai tia sawiin Kumar leh West Bengal Chef Minister Mamata Banerjee te hming a lam tel a. “A tel duh te chu Nitish emaw Mamata a ni emaw ka ngaihdan chuan kan vaiin kan thawkho tur a ni,” tiin kum 82 a upa Union Minister hlui chuan a sawi.
Pawar chuan Maharashtra bikah Maha Vikas Aghadi (MVA) chhungah Lok Sabha seat sharing an la sawiho loh thu a sawi bawk a. Maharashtra Pradesh Congress Committee president Nana Patole chuan Lok Sabha mai ni lo Assembly seat insem dan tur te pawh an sawiho ang tiin a sawi thung.
Patole hian Solapur thawhtanni khan lut bawkin, Solapur Lok Sabha seat chu Congress party te chan a nih thu sawiin an party chuan he district hi an thunun zel dawn a ti bawk a.
“Karnataka Assembly inthlan neih zawh hnuah sawihona neiin insem dan tur kan sawi ho ang. District-ah inlakhran tumna a awm lo va, tute pawh lungrual takin an thawkho vek a ni. |halaite pawhin Congress party an zawm nasa a, mipuite malsawmna nen Congress party chu a che tha ang,” tiin a sawi bawk.
Mahse NPC patriarch thung chuan seat sharing formula sawihona neih hma chuan Lok Sabha seat chungchang lo sawiho a rem lo a ti ve thung.