Pawikhawihna tuartu zangnadawmna pe
District Legal Services Authority (DLSA), Champhai bultumin Zirtawpni khan Champhai Judicial District huamchhunga pawikhawihna tuartu mi 26 hnenah zangnadawmna, Victims of Crime compensation Rs 87,25,000 sem chhuah a ni.
He hun hmanpuitu District & Sessions Judge Liansangzuala chuan danin thil tisualtu hrem bakah pawikhawihna tuartute dikna leh zahawmna vawnnun a duh tih sawiin, hemi buaipui tur hian zangnadawmna dawngtu tur thlangtu Committee din a ni a; chumi mil chuan zangnadawmna pek chhuah thin a ni tih a sawi. Mizoram Victims of Crime Compensation Scheme 2011 hnuaia sawrkarin pawikhawihna tuartute zangnadawmna cheng nuai 100 a pek atanga nuai 87.25 chu Champhai Judicial District huamchhunga pawikhawihna tuartu mi 26-in an dawng tih a sawi a ni.
DLSA champhai ni bawk Liansangzuala chuan, cictim compensation chu pawikhawihna tuartute zangnadawmna atana scheme duan niin, pawikhawihtute hrem piahlamah pawikhawihna tuartute chawmdawlna atana duan a ni tih a sawi a. Victim compensation hmuh beisei avanga inpuhna diklo leh complaint diklo siamtute dan anga hrem theih an nih thu a sawi bawk. A dawngtute hi sumfaia lak tur bakah fixed deposit-a dahsak lakchhuahna tur receipt fel tak siama hlan vek an ni.
Pawikhawihna tuartu zangnadawmna pe
Get real time updates directly on you device, subscribe now.
Prev Post