Pawngsual thubuaia inhnam-hnawihah Russel Brand puh

Lemchan thiam leh fiamthu thiam Katy Perry pasal hlui Russel Brand chu pawngsual thubuaiah hmeichhe engemawzatin an puh avangin a dinhmun a tha lo hle.
Russel Brand an puhna te hi kum 2006 leh 2013 inkara thil thleng nia sawi niin, hmeichhe pakhat tu tih hriat loh chuan Los Angeles-a a in ah ngei Brand hian a duh loh chung mipat hmeichhiatna a hman pui thu a sawi a. Hemi ni vek hian Rape Centre Crisis-a a inentirna medical report pawh a neih thu a sawi bawk.
Hmeichhe dang pakhat chuan High School a kal lai, kum 16 mi chauh a nih laiin Brand hian a pawwngsual thu a sawi a, hemite pahnih bakah hian hmeichhe dang pahnihte chuan Brand hian an duh loh chunga mipat hmeichhiatna hman khawloh puiah an rawn puh lehzel bawk a ni.
Brand erawh chuan an puhna hi a pha thung a, an puhnate chu amah tihmingchhiat tumna leh thil serious tak a nih avangin ngawih mai mai a tum loh thu a sawi a. Brand an puhna te chu Media-a tarlan a nih hnu lawkah Brand hian “Wembley Park Theatre” North west London-ah comedy show a nei zui a, a tour dang tur erawh cancel rih a ni.