PC-in MNF a lawmpui

PC-in MNF a lawmpui
Sinlung Hills Council inthlana hnehna an chan avangin MNF party an lawmpui tih PC party chuan an sawi.
PC Gen. Hqrs. thuchhuak chuan, SHC inthlana thlantlin zawng zawng a lawmpuiin ram leh hnam tan chhuan tlaka hna thawk turin duhsakna a hlan tih a sawi. Hnehna an chan avangin MNF a lawmpuiin state sawrkar nen mipui tana tha taka an thawhho a duh tih a sawi bawk.
Campaign laia ZPM ticket ni loa thlantlinte lo induh khum tur anga insawi nia sawi minister pawh thlantlin zawng zawngte tha taka thawhpui turin an ngen tih a sawi a. He inthlana vote chhiar chungchanga New Vervek biala thil thleng chu chhuichiang a, a hnu zela hetiang thil hi a thlen tawh lohnan hma la turin sawrkar an duh tih a sawi a ni.