Pension buaipuitute hriattur hrilh

Directorate of Local Fund Audit & Pension buatsaihin Nilaini khan Mamitah an district chhunga pension lam khawihtu sawrkar hnathawkte tan ‘Pension and Process of Pension Papers’ chungchangah nikhat awh training an nei.
Deputy director (Pension) F Lalremmawia chuan sawrkar hnathawk pension chungchanga fello awm thin, hun rei tak chinfel lohte an nei thin a, chutianga an harsatnate awlsam zawka chinfel zung zung a nih theih nan training hi buatsaih a ni tih a sawi. Mamit district chhunga pension buaipuitute pawhin an tangkaipui a beisei tih sawiin, harsatna leh hriatthiam loh zawh duh an nei a nih pawhin directorate lama pension khawihtute chu phone hmang pawha zawh reng theih an ni tih a sawi bawk
Training-ah hian AA/AO (pension) – R Laltanpuii, Lalkroschhuanga leh Albert Lalthansanga ten pension buaipuina tura tul hrang hrang an zirtir a. Mamit district chhunga sawrkar department hrang hrang atangin pension buaipuitute an tel a ni.