Pension kum tihsan thlawp lo

Mizo Students’ Union chuan sawrkar hnathawk inzawmkhawm pawlin sawrkar hna atanga pension kum, kum 62-a tihsan tura an nawr chu tha an ti loa, duhlohna thu sawrkarah thlen an tum tih an sawi.

MSU Gen. Hqrs thuchhuak chuan, FMGE&W-in Mizoram sawrkar hnathawkte retiring age kum 60 atanga 62 a tihsan tura sawrkar an dilna chu ram leh hnam, sum dinhmun thlirin leh, zirlai thalai hna hmuh na kawng thui taka a dan thin avangin, retiring age kum 62-a tihsan chu tha a ti lo tih a sawi a. Ram dinhmun thlir chungin a dodalna Mizoram sawrkarah thlen a tum.

Mizoram sawrkar enkawl college hrang hranga under graduate leh post graduate-a course thar hawnah zirturtu dah a ni em, tih leh zirtirtu an indaih em, tih zirchian a tum tih MSU hian a sawi a. Govt. Champhai College-a Commerce department building RUSA hnuaia sak mek, kum 2019-a sak tan tawh, a sakna tur sum awmsa tun thlenga sak zawh ala ni lo chu pawi a tih thu sawiin, he hna khawihtu company leh sawkar chu a ranglama thawk zo turin a phut tih a sawi a ni.