Pension scheme thlak duha hmalakna thlawp

Pension scheme thlak duha hmalakna thlawp
India rama sawrkar hnathawkten an chawlh huna pension innghahna tlak an duh zia lantirnan leh tuna hman mek New Pension Scheme (NPS) thlak ngiatna chu Mizoram Movement for OPS (MIMOPS) chuan a thlawp zia lantirin ‘signature campaign’ a kalpui a, Mizoram sawrkar hnathawk tam takin hming an ziahhnan.
Ram puma sawrkar hnathawk hrang hrangten an chawlh huna pension mumal leh innghahna tlak an duh zia lantirnan leh tuna hman mek – NPS thlak ngiata hmalakna kalzelah November 17 hian Jantar Mantar New Delhi ah ‘Maha Rally’ huaihawt tum a ni a. He rally hi Mizoram sawrkar hnathawk tam takin an thlawp tih lantirna atan MIMOPS hmalakna in November 8 & 9 khan signature campaign neih a ni a, mi tam takin an hming an sign hnan.
Mizoram sawrkar hotute leh Study Committee thuchhuak angin, central lama thil inthlak danglam ngaihchan leh sawrkar laipui thuchhuak nghah a ngaih avangin, hmasawnna an beisei ang an la hmu thei lo tih member-ten hriatsak turin an chah tih a sawi bawk.
Delhi-a Maha Rally neih tur hi MIMOPS chuan a thlawp tih sawiin, president leh member thenkhat Delhi-a awmsaten an telpui dawn bakah MIMOPS hi rally-ah hian platform pek an nih beisei a nih thu an sawi a ni.