Presbyterian English School (PES) hnuaia 2023 HSLC result tha lawmna chu Nilanini khan Synod office-ah neih a ni a. Synod moderator Rev Dr C Chawnghmingliana’n hmanpuiin thu a sawi bakah school tithate hnenah lawmman a sem. Synod executive secretary i/c Education Rev. Dr. K. Lallawmzuala’n mimal tithate hnenah lawmman a sem bawk.
Zirlai ti thate chawimawinaah hian distinction-a pass mi 73 hnenah lawmpuina Rs.10000 leh citation hlan an ni a. PES zirlai zinga HSLC result-a top 3-te tan Special Award siam niin, 1-na Lalngaihawmi, Darlawn PES; 2-na Lalnunpuii, Keifang PES leh 2-na C Lalhriatchhungi, Republic PES; 3-na C Lalawmpuia, Muallungthu PES leh 3-na Lalchhanhima, Luangmual PES ten an dawng.
Heng bakah hian school titha pathum hnenah lawmman pek an ni a; pass kim vek school hnenah Rs. 10000 theuh hlan an ni.
Tunah Presbyterian English School hnuaiah hian school 160 a awm a, chu’ng zinga school 35 chuan HSLC candidate an nei. Exam beitu hi an vaiin zirlai 824 niin, 735-in an pass. Distinction-ah 73, first division-ah 273, second division-ah 288, third division-ah 103 an ni a, a pumpuia pass percentage chu 89.20 a ni.
PES-in HSLC tihthat lawm
Get real time updates directly on you device, subscribe now.
Prev Post
Next Post