Remna Ni 2023 lawmna chi khat atan district tinah high school zirlaite pualin Nilaini khan quiz intihsiak neih a ni a, thupuiah “Political History of Mizoram: 1947 (post independence) to 1987 (statehood i.e 20th February 1987)” tih hman a ni.
School Education department-in Remna Ni puala a buatsaih quiz intihsiak hi district khawpui tinah DEO/ DPC Samagra Shiksha kaihhruaiin neih a ni a. District level leh state level-a inelna tur niin, district tina pakhatna theuh hi Aizawlah kalkhawmin June 27 hian state level-a intihsiak a ni ang.
District level quiz intihsiakah hian pakhatna Rs 30000, pahnihna Rs 20000, pathumna Rs 10000 bakah certificate pek an ni anga, state levelah pawh hetiang zat sumfai leh certificate pek an ni ang.
District hrang hranga tel zat belhkhawm hi high school 157 an ni a, heng school atang hian team 174 an tel a, team khatah hian zirlai pahnih zel an awm a, zirlai 348 telin, school thenkhat atanga team khat aia tam tel pawh an awm a ni.
Remna Ni pual hian higher secondary zirlaite tan essay inziahsiak neih a lo ni tawh a ni.
Remna Ni pualin quiz inelna
Get real time updates directly on you device, subscribe now.
Prev Post
Next Post