Corporate social responsibility hmanga Lunglei district atanga lung lam thalo zai ngai naupang 5 te Chennai-a hlawhtling taka zai tak te chuan Thawhtanni khan Lunglei an thleng leh tawh a, district bawrhsap Ramdinliani chuan an pualin zanriah a buatsaih.
Lunglei district bawrhsap kalchhuak ta Kulothungan A hmalakna in Sri Ramachandra Medical College and Research Chennai head of cardiology Dr JSN Murthy chuan Lungleiah free clinic a nei a, hemi tuma lung lam tha lo, zai ngai si mi 5, kum 2-14 inkar chu anmahni insen ngai loin CSR hmanga an kalna leh hawna, inzaina leh damdawi in awm man hi tumsak niin, Sri Ramachandra Medical College and Research ah hian enkawl an ni a, ni 90 chhung ei tur damdawi an dawng vek bawk. Damlote bakah anmahni kalpui mi 6 an ni a, hlawhtling taka zai an nih hnu ah Mizoramah an rawn let leh tawh a ni.
Sum thawhtu hi Sri Shankara Heart Foundation, Mathew Foundation, Muthi Trust, Renyl Foundation leh Subramaniam te an ni.
Lunglei bawrhsap Ramdinliani chuan damlote phal taka sponsor-tute chungah lawmthu a sawi a. Lungleia Free Cardiology & Oncology Health Camp neih theihna tura hma la tu ber, bawrhsap kalchhuak ta Kulothungan A inpekna leh district mipui a hmangaihna chu a fakawmin entawntlak a tih thu a sawi a ni. Damlo zai tawkte chu uluk taka inenkawl chhunzawm turin a chah bawk.
Phai damdawi in pantute pualin hun hmang
Get real time updates directly on you device, subscribe now.
Next Post