Phaituala champion team lo thleng dawn

West Bengal-a khelh zawh tak National Sub Junior Football Cham-pionship 2023-24 final-a sithum faia Meitei team Manipur hnehtu Mizo team chuan vawiin hian Lengpui Airport an lo thleng dâwn a, Mizoram Football Association chuan a lo hmuak dawn.
Mizoram sub junior team hi chawhnu dar 2:30-ah Lengpui thlawh-na tumhmun thleng tura beisei niin, MFA hruai-tute’n airport-ah hian an lo dawngsawng ang a, chumi hnuah Sairang Dinthara MFA Ground hostel-ah champion lawmna buatsaih a ni ang a, an pualin zanriah buatsaih nghal a ni ang.
Nilaini tlai dar 3 khan Behrampore Stadium, West Bengal-a final match-ah Mizo rawl-tharte hian 3-0-in Mani-pur an sawp a; Mizoram tan hian Lalruatdika chuan first half minute lina lekah goal hmahruai thunin, second half-ah Henry Lalhnehzova leh Isak Lalmalsawma’n an khungbelh a, Sub Jr Boys’ National Football Championship 2023-24 champion nihna nen Mizoram an lut dawn.
District Sports Asso-ciation Stadium-a semi-final match-ah Mizoram hian Uttar Pradesh hma-chhawnin, hun pang-ngaiah goal a lut lo a, extra time minute 94-ah Isak Lalmalsawma chuan sikhat faia Mizoram chakna leh final an luhna goal awmchhun ni zui ta a thun a; final-ah Mani-pur an sawp zui ta a ni.
Punjab lama Sub Junior Girls’ National Football Championship 2023-24 khelhah Mizo-ram chhuak bawkin, Thawhtanni khan Am-ritsar-a Guru Nanak Stadium-ah semi-final match an khel a, West Bengal lakah 1-6 tehrenga tlawmin final an lut zo ta lo.
Mizo tleirawl team tana goal awmchhun khungtu hi |huam-dinpuii a ni.