PHE Dept-a Restricted tender chungchang – R.Lalrinkima Hidden Lodge Chanmari, Aizawl
PHE department-in kum 2023-2026 chhunga Restricted tender chhuah zat hi a hna 15(sawmpanga) niin a vaia hna hlut zawng chu Rs 2907,72,604.00 (cheng nuaih sang hnih zakua pasarih, sing sawmsarih pahnih,zaruk leh pali) a ni a. Hna hrang hrang thawh tura tarlan te eng vanga Restricted tender-a chhuah nge an nih ti-a zawhna chu hetiang hian chhan leh vang hrang hrang sawi an ni hlawm:-
A. Specialised Job-a CPWD Works Manual in a list avang leh hna hmanhmawh thlak a nih vang tih te,
B. Hna hmanhmawh thlak anih vangin blanket approval finance atanga pek a ni vang te,
C. thiamna bik nei te thawh chi anih avangin restricted tender-a pek a ni tih te,
D. Restricted a pek a tul vangin tih te leh
E. A chhan chu hna hmanhmawh thlak bik anih avangin Aizawl khawpui tana tui pump-na pipeline repair hna a ni a,tui harsatna sukiang turin rang taka thawh zawh vat ngai a ni bawk a,chuvangin Restricted tender hmanga he hna thawk tur hi thlan a ni tih te an ni.
Heng Restricted tender-a an hna pek turte chu:-
Construction of 3,00,000 lits Zonal tank at Falkland
Construction of RCC Buiding for shifting of Chlorinator from Filter House at Kawnpui WSS(Water Supply Scheme tihna a ni e)
Repair & Renovation of Chemical Store Room at Kawnpui WSS
Construction of Additional Raw Water Pump House at Vairengte
Construction of 5,00,000 lits Capacity RCC Rectangular Zonal tank at Venghnuai,Aizawl under UIDF
Construction of 3,00,000 lits Zonal tank at Falkland
Restoration of AGWSSA Damage by cyclone remal under SDASCI, Hualtu
Construction of Concrete Gravity Impounding tam(Dam tih tur a ni a, type sual a ni e) at tlawng River Lunglei for Source Improvement of Greater Lunglei WSS(under AMRUt 2.0
Improvement of Lengpui and Lengpui Airport WSS
Conservation & Rejuvenation of Vanva Water Body, thenzawl
Retro-fitting of clear water pump house No.1 and Gate Duty Room(Civil works)at GAWSS Phase-I
Retro-fitting of clear water sump and side drain(Civil Works) at GAWSS Phase-I
Retro-fitting of Vt Jackwell(Civil Works) at GAWSS Phase-I
Restoration of SIPMIU Pipeline at Zohnuai,Vaivakawn, Aizawl leh
Construction of Concrete Gravity Impounding tam(Dam tih tur a ni a, type sual a nih hmel) at tlawng River Lunglei for Source Improvement of Greater Lunglei WSS(under AMRUt 2.0 tih te an ni a.
Hnathawh tur bihchianna
Han en vang vang hian Sl No-8 leh Sl No-15 hi hna inang, estimate amount pawh inang an ni a, HS Construction, Chanmari Aizawl chuan a thawk dawn a. He construction firm hian Sl No-9, Estimated Amount Rs 723,30,100/- a thawk bawk dawn a ni. He hna hi restricted tender-a pekna chhan sawifiahnaah chuan ‘restricted a pek tul avangin’ tih a ni a, a tul ngang a nih hmel e. tihian, he firm hian hna 3(pathum), a vaia Rs 1676,82,004/- man a thawk dawn a, Lunglei Greater WSS hna-a Dam leh a kaihhnawih pawh lo thawk tawhtu niin Congress leh MNF Ministry hun lai pawh khan chhawr rim tak an ni.
Sl No 10 hi Vanva lui hmuhalhna leh chei ‘young’ na tur anih hmel a, cheng nuaih 500.00 zet senna tur ani bawk a, M/S Gangwal Engineering & Construction Co.Pvt Ltd CAU Campus, Selesih ten an thawk dawn a.”thiamna bik nei te thawh chi anih avangin restricted tender-a pek a ni’ tih a ni a. 10th September 1997 ah he Private Limited hi corporate niin PHE hnuaiah First Class Contractor-a in ziak lut an ni a. an in registered na Department lamah hian an mikhual vak a rinawm lem loh nain tuna an hnathawh tur ang tak an thawhna hi AI chuan min hrilh tur a hre mai lo.
Sl No 11 to 13 hi Rs 461,38,610/- man niin a hna hming han en chuan tunhma, 1980’s kum chho vel atanga tlawng Lui Water Pump lo khawih tawh thin an ni a, an specialized viau a rinawm a, ‘thiamna bik nei te thawh chi a nih vangin restricted tender-a pek a ni” tih niin an phu hmel viau bawk.
Sl No 14 pawh hi Rs 65,91,000/- man niin Eco Protection Engineer Pvt Ltd, Chennai te thawh tura pek niin hna pek an nih chhan sawina chu a chung ‘E’ ah khian sawi a ni. Kan lo hmuh leh hriat dan chuan he pipeline hi leihnuaiah phum niin a inzawmna a phui lo a, Vaivakawn Zohnuai-a Govt Primary School/Pu Marema(L) building bula lei che nasa tak siamtu a ni tih chian anih hnuah Pipe hi lei hnuaia phum loin leichung(overground) kal tir leh tura lak chhuah a ni a. Restricted tender-a pek chhan pawh khi a dik ve tho turah ngai ila, an specialized na field leh an hnathawh hi a in mil viau mai. July 2009 a corporate chauh mahnise World Bank, ADB, AMRUt leh Govt of India hnuaiah hian Surface Water treatment System te, Distribution networks te leh Effluent treatment Plants bakah Sewage treatment Plants te an lo khawih nual tawh a ni.
Heng firm te baka mimal thawh tur hrang hrang te hi chu tunhma-a eng hna special bik nge an lo thawh tawh ka hre pha ve hauh lo a. Hnathawh tur Design leh Estimate saimtu Department Engineer te chuan an hnathawktu chu hnathawh tur designed a nih anga thawh anih ngei nana vil reng tur an ni a, Hnathawhna tur sum nei chuan heng hnate hi thawh ve mai theih a niin a lan laiin “CPWD Works Mannual-in a list avang leh hna hmanhmawh thlak a nih vang te, Finance Department in hna hmanhmawh thlak anih vanga Blanket approval pek anih vanga restricted tender kaltlanga hna pek a ni’ tih ang chi hi chu mi pangngai chin chuan an hriatthiam dan a dang daih awm asin.
Eng pawh chu ni se, Restricted tender hi chu Er Ruata Sailo Dictionary-a ‘duhsak bik te, hna thawktu tur hriatsaa thawh tura tender chhuah’ a tih angin a thianghlim em em lem lo, ruling party kal tate pawhin an lo tih tho a ni a. “Zawlbuk-a etang theuh theuh’ tih ang chauh chauh niin ZPM hian inthlan campaign lai khan an pu berin ‘tul fê-ah tih loh chuan Restricted tender hi kan ti ve lo ang’ a ti a, a tul fê a nih a rinawm(Department dang chu sawi ta lo ila).
Inthlan dawn campaign thu hla-a party mi leh sa ni lo, mipui mimir, neutral tak te laka vote hmuhna tura ‘au hla’ chikhat kha a ni mai a. Minister-in motor pakhat bak a kawl loh tur te, VIP zinchhuahnaa zuitu neih tlem te, Car mantoa Chief Minister a chuan loh tur te pawh kan hre hlei hlui a, zawm a har ngang a nih a rinawm e. Kut hnathawktute erawhin an hah man an tel ta a, a lawmawm tak zet zet a, hetianga budget lama ‘DAH’ hmanga lei rem rap ta te an lawmpuiawm em em a ni.
tihian, tun sawrkar term chu a chanve kan hmang mek a, ‘tih loh tur tih, tihtur tih loh te’ engkim mai hi social media-ah thaireh theih lohin a awm zel tawh laia sim tur kan la sim lo fo zel a ni ber e.
(SASCI sum lapse chungchang Lalremliana Pachuau Utube channel lama mi te kan la tuihnih leh turah ngai ang)